Arkimed Lushaj (Stresi) është shumë i lidhur me të atin Sali Lushaj, e ky i fundit i ka dalë gjithmonë në mbrojtje sa herë që Stresi ka qënë në telashe. Ditën e sotme, reperi shqiptar ka postuar në profilin e tij në “Instagram” një dedikim të veçantë për të atin, i cili feston sot ditëlindjen. Për Stresin, ai është shembulli kryesor që duhet të ndjekë në jetë.
“Gëzuar ditëlindjen i shtrenjti baba, me mirënjohje të thellë më dalin keto fjalë nga shpirti. Je si një idhull për mua, je heroi im, je shembulli më i mirë në rrugën qe unë ndjek. Je shoku më i denjë që kam, je mirëkuptuesi më i mirë për mua. Në cdo çast të vështirë që kam kaluar gjithmonë ke qenë si një busull drejtuese për mua. Je kritiku që më ka frenuar që pa hedhur hapin e gabuar, je këshilluesi më i saktë e që më bëre të mos gaboj kurrë në jetë. Je BIBEL, je KURAN, cdo fjalë e jotja tingëllon si fjalët e të madhit ZOT. Të dua shumë shumë sepse kam gjakun tënd, sepse jam djali yt që nuk të zhgënjeu kurrë. Gjithmonë do ndjehem krenar për ty. Ke qenë babai ideal për mua. I tillë do mbetesh deri në fund … edhe në kujtimet e mia. U bofsh edhe 100 vjeç bab”, – shkruan Stresi në foton e publikuar në “Instagram”.
