Një vrasje e dyfishtë tronditi dje Tiranën në zonën e Don Boskos”, ku një 31-vjeçar vrau ish-të dashurën dhe më pas veten, pasi ajo nuk pranonte që të riktheheshin.
19-vjeçarja Xhuljeta Çuni kishte qenë e lidhur me Xhaferr Matën, i cili ishte i martuar dhe kishte dhe një fëmijë. Çifti ishin ndarë pak muaj më parë dhe Xhuljeta refuzonte të riktheheshin, pavarësisht këmbënguljes së Xhaferrit.
Report Tv ka zbardhur disa nga mesazhet e shkëmbyera së fundmi mes dy të rinjve. Një ditë para krimit Mata bënte përgjegjës Çunin, ku i shkruante:
“Më detyrohesh shumë, prej teje shkatërrova familjen, lashë gruan dhe fëmijën, të kam ndihmuar dhe me para”.
E reja ka refuzuar t’i përgjigjet mesazheve të Matës, të cilin disa herë e kishte denoncuar në Komisariatin numër tre për kërcënim, përndjekje dhe mesazhet fyese. Por paçka shoqërimit nga policia, Mata kishte premtuar tek Inspektori i Rendit në zonë se nuk do t’i sillte më asnjë shqetësim 19-vjeçares Xhuljeta Çuni.
