Bes Kallaku dhe bashkëshortja e tij Xhensila Myrtezaj janë duke përjetuar një ndër periudhat më të ëmbla të jetës së tyre. Së shpejti pritet që ata të bëhen prindër për herë të parë të një vajze.
Ndërkohë që vetëm pak javë i ndajnë nga ardhja në jetë e vajzës çifti i njohur na ka treguar se nuk ka lënë aspak pas dore edhe karrierën profesionale. Vetëm pak ditë më parë Xhensila Myrtezaj në bashkëpunim me Ardian Bujupin hodhën në treg këngën e tyre më të fundit “Çika Çika”.
Mirëpo duket se as Besi nuk ka ndenjur në heshtje gjatë kësaj periudhe. Nëpërmjet një postimi në Instastory Besi ka dhënë një lajm të bukur për të gjithë ndjekësit e tij. Aktori i njohur i humorit ka publikuar një foto ku shohim se po përgatitet për një këngë të re, e cila do të jetë një bashkëpunim mes tij dhe këngëtarit Ermal Fejzullahut.
Nga postimet e Besit në Instagram mendohet se projekti i tij i fundit do të quhet “Daja”, dhe fansat mezi po presin që të shohin produktin përfundimtar.
