Nuk e dimë nëse arsyeja e vërtetë ishte Rita Ora, por kryeministri i Kosovës Ramush Haradinaj, ishte dje në Tiranë në një takim me kryebashkiakun Veliaj.
Ky i fundit e mirëpriti në zyrë kreun e qeverisë së Kosovës, për bashkëpunimin mes qyteteve. Haradinaj përfitoi nga rasti për të ndjekur koncertin e Rita Orës në Tiranë nga një pikë strategjike, nga tarraca e bashkisë së Tiranës.
I shoqëruar nga kryetari i Bashkisë së Tiranës, Erion Veliaj, shefi i qeverisë së Kosovës ka ndarë me miqtë e tij emocionet e performancës së këngëtares me origjinë nga Kosovë.
“Ishte kënaqësi që së bashku me të parin e Tiranës, Erion Veliaj, ta shijonim performansën magjike të Rita Orës. Të mbushë krenari prania e sotme në sheshin “Skënderbej” të Tiranës, që tuboi shqiptarët nga të gjitha hapësirat”, shkruan Ramush Haradinaj në Facebook.
