Dita e fëmijëve është nesër dhe ende po mendoni se cila është dhurata perfekte për të vegjlit tuaj? Fëmija juaj me siguri po e pret këtë surprizë prej kohësh. Çokollatë? Lodra? Kukulla? Nëse ju ndiheni të lodhur nga këto dhurata, me siguri edhe të vegjlit tuaj.
Ndaj për të bërë dhuratën e duhur të “1 Qershorit”, duhet të jeni pak kreativë.
Orët për fëmijë “Flik Flak” të dizajnuara nga marka zvicerane “Swatch” janë një arsye më shumë për të mësuar orën për vajzën apo djalin tuaj.
Fëmijët dashurojnë të mbajnë ora, sepse u jep një ndjesi prej të rrituri, ndërsa prindërit duan t’u mësojnë atyre të vlerësojnë kohën.
“Flik Flak” sjell orët me çmime të përballueshme për çdo familje shqiptare, rezistente ndaj ujit, përplasjeve të fëmijëve gjatë lojërave, madje dhe nëse e harroni në lavatriçe në 40 gradë. Ato janë të përbërë nga një material plastik i fortë dhe me ngjyrues natyral.
Por mbi të gjitha këto ora luajnë një rol kyç në mësimin e numrave, të sensit të kohës dhe përgjegjësisë!
Koleksioni i ri i verës i ardhur në dyqanin e “Swatch”, në Qendrën Metropol, në rrugën “Sami Frashëri” dhe në Qendrën TEG, i fut fëmijët në botën e natyrës dhe sporteve
Por cila është surpriza e 1 Qershorit?!
Dyqani i “Swatch” ka menduar të organizojë lojëra për të vegjlit dhe dhurata për secilin prej tyre, që do t’i zbuloni nesër nga ora 09:00 deri në orën 21:00.
Për fëmijët e dashuruar pas basketbollit
Çdo fundjavë kur dielli shkëlqen “Flik Flak” iu shoqëron në lojën e preferuar të basketbollit. Ora “Dribble” është kaq sportive dhe mbi të gjitha rezistente nga goditjet, ndërsa fëmija juaj luan me topin.
Për fëmijët e dashuruar pas muzikës
Fëmijët ndihen të lumtur dhe të lirë kur dëgjojnë muzikë. Ora “Rock beat” duket se është një kujtesë jo vetëm për kohën, por edhe për të vendosur muzikën e preferuar.
Për fëmijët e dashuruar pas futbollit
Ndërsa fëmija juaj po përpiqet që të shënojë sa më shumë gola të mundet, do të kujtojë edhe orën kur duhet të kthehet nga loja për në shtëpi. “Hat Trick” është aksesori i domosdoshëm për çdo vogëlush të dashuruar pas futbollit.
