Tashmë nuk do të ketë Roaming në telefonatat me Kosovën.
Lajmin e mirë e ka dhënë Dardan Molliqaj i Partisë SocialDemokrate i cili tregoi në Facebook se Roaming mes Shqipërisë dhe Kosovës është hequr.
“Nga tash, Kosova dhe Shqipëria pa Roaming. Falënderoj të gjithë deputetët që votuan rezolutën që paraqita në emër të PSD për të hequr Roaming-un mes Kosovës dhe Shqipërisë.
Tash e tutje do të komunikojmë me njëri-tjetrin sikurse brenda vendit, pa bërë shpenzime shtesë. Shpresoj që qeveria e Kosovës të fillojë punimet sa më shpejt për zbatimin e plotë të kësaj rezolute të votuar nga Kuvendi i Kosovës,” shkruan Molliqaj.
Heqja e tarifave Roaming u propozua më parë në 2014-n nga Instituti “GAP” në Kosovë, ndërsa vetëm pas 4 vitesh kjo gjë është bërë e mundur.
