Të gjithë mezi po presim pushimet, ndërsa Luana Vjollca na e bëri zili me një foto nga një vend magjik. Pyetja që i bëmë të gjithë vetes ishte: Po tani ku ndodhet?
Port jahtesh dhe ndërtesat me ngjyra me siguri i keni parë në disa plazhe të rivierës italiane apo franceze. Vendin ekzakt, madje edhe hotelin, e zbuloi një burim për “iconstyle.al”.
Luana ndodhet në Itali, jo në një nga plazhet më luksoze të tij, por në një nga vendet të cilësuara prej turistëve si “i guximshëm”.
Burimi tregoi për median tonë se, moderatorja shqiptare ka zgjedhur që të pushojë në Rapallo, në plazhin e Ligurias dhe që ndodhet shumë pranë Portofino-s.
Rapallo është një nga vendpushimet më të dashura për turistët e huaj, me shëtitoret me palma, me ndërtesat me ngjyra, detin e kaltër, sfondin e gjelbër malor, hotelet elegante dhe vilat e ngjyrosura me nuancat pastel. Ndërsa përballë qytezës qëndrojnë jahtet dhe kështjella e shekullit të 16-të.
I njëjti burim tregoi për “iconstyle.al” edhe vendqëndrimin e Luana Vjollcës, hotelin me 5 yje “Excelsior Palace”. Ai ndodhet pikërisht në pozicionin ku ka realizuar edhe foton, teksa asaj i ofrohet një pamje mahnitëse nga të gjitha anët e rrethuar nga deti.
Çmimet e dhomave nisin nga 200 euro për natë duke vijuar me suitat me pamje nga deti që varionin nga 780 euro deri në gati 2000 euro.
Luana nuk ka dhënë asnjë detaj për personin me të cilin po shoqërohet.
