Shumë persona ishin skeptikë për suksesin e saj dhe veçanërisht për lajmin se ajo do të realizonte këngën zyrtare të Kampionatit Botëror të Futbollit. Por tashmë nuk ka më dyshime, Era Istrefi është pjesë e këngës “Live it up”, e cila do të performohet për çeljen e kampionatit në Rusi.
Ndërsa jemi në pritje të klipit të këngës së realizuar në bashkëpunim me yjet si Will Smith apo Nicky Jam.
Reklama e këngës “Live it up” pasditen e djeshme është shfaqur në monitorin kryesor të “Times Square”, sheshit më të madh dhe më të rëndësishëm të Nju-Jorkut, ku edhe pak sekonda mjafton të shfaqesh aty për t’u bërë një yll ndërkombëtar.
Era Istrefi e ndau këtë moment fantastik në Instagram, për të treguar arritjen e saj.
