Eva Murati feston sot ditëlindjen e saj të 23-të. Moderatorja simpatike është surprizuar në mesnatë nga një festë e organizuar nga miqtë e saj më të mirë. E emocionuar nga surpriza që i kanë organizuar Eva ka postuar disa foto dhe video edhe në profilin e saj në Instagram.
E rrethuar me tullumbace dhe me një kurorë në kokë, ajo duket si në princeshë e vërtetë. Mirëpo ajo që na ra në sy përsëri është fakti se në fotot e postuara nga Eva në Instagram nuk ishte i pranishëm i dashuri i saj, Genar Topalli.
Kujtojmë që vetëm pak kohë më parë u përfol se Eva Murati dhe djali i Jozefina Topallit janë ndarë. Mirëpo e kontaktuar nga “Iconstyle.al”, Eva i quajti këto lajme “fake news”, duke hedhur poshtë të gjithë dyshimet.
Duke parë se nuk ka shenja që Genari ishte në festën surprizë të Evës dhe fakti që mungon një urim në rrjetet sociale prej tij, na bën të dyshojmë përsëri se diçka mund të ketë ndodhur mes tyre.
