Bella Hadid dhe The Weeknd kanë pasur një zënkë të fuqishme kohët e fundit, pasi modelja gjeti disa foto të Selenës në telefonin e këngëtarit.
21-vjeçarja thuhet se po tregohet strikte me 28-vjeçarin The Weeknd, pasi ia bëri të qartë atij se nuk pranon të rikthehen derisa të fshijë të gjitha gjërat që kanë të bëjnë me Selena Gomez.
“Bella zbuloi disa të foto seksi të Selenës dhe u mërzit”, thotë një burim për revistën “OK”. Abel tha se ajo ishte pjesë e së kaluarës së tij, por ajo e akuzoi atë se dëshiron të kthehet me Selenën. Pas një lufte të madhe, ai kontrolloi telefonin dhe fshiu çdo foto”, vijon burimi.
Zënka thuhet se ka ndodhur përpara bashkimit romantik të Bella-s dhe The Weeknd në jug të Francës, ku ata të dy morën pjesë në Festivalin e Filmit në Kanë.
Thashethemet për bashkimin e Bella-s dhe The Weeknd filluan kur ata u fotografuan duke u puthur në Coachella në prill.
