E ndërsa Era Istrefi është pjesë e këngës së Kampionatit Botëror, Dua Lipa do të këndojë në finalen e ‘Uefa Champions League’. Këngëtarja me origjinë shqiptare Dua Lipa ka mbërritur në Kiev, nga ku do të mbahet finalja mes Real Madridit dhe Liverpool.
Në profilin e saj në “Instagram”, Dua shfaqet duke u përgatitur për performancën e saj në fushën e ‘NSC Olimpiyskiy Stadium’.
Pak ditë më parë, këngëtarja e hitit “One kiss” është shprehur se kjo është një mundësi që i ofrohet vetëm një herë në jetë dhe mezi pret që të dalë përpara të gjithë fansave dhe të jetë pjesë e një eventi kaq të rëndësishëm për futbollin. Finalja e ‘Uefa Champions League’ do të transmetohet në 220 vende në mbarë botën më 26 maj.
