Adrola Dushi është shpërngulur në Amerikë, së bashku me vogëlushin e saj Troi, pas vendimit për tu ndarë nga ish-bashkëshorti i saj Adis Patushi.
Në një intervistë për emisionin kosovar “Elite Show”, Adrola rrëfeu sesi është marrëdhënia e saj me babain e Troit.
“Adisi i ka dokumentet për të lëvizur vjen shpesh andej, Troi vjen shpesh këtej. Mundohem në çdo mënyrë që Troit mos t’i mungojë as i ati, mos t’i mungojë as unë, prandaj është kjo pjesa që ne duhet të lëvizim shumë. Marrëdhënia jonë për aq sa na takon është vërtet shumë e mirë, nuk kemi inate e respektojmë njëri-tjetrin për aq sa na takon”,- përfundon Adrola.
E ftuar në emisionin “Xing me Ermalin”, Adrola u shpreh se faji për ndarjen nuk është i askujt, pasi ata ishin shumë të rinj.
