E gjithë bota e kinematografisë turke, u trondit pas akuzave për trafikim lëndësh narkotike për aktorin Çağatay Ulusoy dhe aktorja me origjinë nga Shqipëria, Gizem Karaca. Ata rrëzikojnë të vuajnë dënimin prej katër vitesh e dy muaj në Turqi.
Ditën e sotme, avokati i aktores me origjinë shqiptare Gizem Karaca, ka apeluar vendimin e gjykatës.
“Klientja ime është shumë e mërzitur nga incidenti. Ajo pranon se ka përdorur lëndë narkotike me aktorin turk, në atë kohë ishin më shumë se miq, por në mënyrë kategorike refuzon se ka marrë pjesë në trafikim lëndësh narkotike.” – u shpreh avokati Faruk Zorba.
“Gizem Karaca tashmë është e martuar me biznesmenin turk Kemal Ekmekci, e janë shumë të lumtur”, theksoi avokati i saj.
Ata kurorëzuan dashurinë e tyre në një dasmë madhëstore në Bodrum, një vit më parë.
Çağatay Ulusoy dhe aktorja Gizem Karaca, u njohën gjatë xhirimeve të serialit “Emir’in Yolu”, ku luanin rolin e një çifti të dashuruar.
