Moderatorja Almeda Abazi dhe bashkëshorti i saj Tolgahan Sayisman, ishin të ftuar disa javë më parë në emisionin “Xing me Ermalin” në televizionin “Klan”. Mesa duket, moderatori shqiptar Ermal Mamaqi i ka kthyer vizitën çiftit, teksa shfaqen në “Instagram” duke darkuar në pallatin luksoz Çiragan në Stamboll.
“Xing.al” zbulon se moderatori shqiptar është pjesë e një projekti ndërkombëtar, ku do të përfshihet edhe aktori turk Tolgahan Sayisman. Ende nuk janë bërë të ditur detajet e projektit, por dyshohet se bëhet fjalë për një serial të ri televiziv.
Sakaq, Almeda ka shpërndarë në rrjetet sociale një video ku shfaqet me bashkëshortin e saj dhe Ermalin, duke pirë kafe turke.
”Të bëftë mirë Ermal, mirë se na erdhe” – shprehet Almeda, dhe moderatori me shaka i thotë: Mirë se të gjeta të keqen halla”.
