Olsi dhe Fjorentina kanë qënë një nga çiftet më të komentuar të “Big Brother” vitin e kaluar.
Por lidhja e tyre nuk zgjati shumë, vetëm disa javë pas daljes nga spektakli ata u ndanë. Pas kësaj u duk sikur filloi “armiqësia” mes tyre dhe në çdo dalje publike flisnin me kunja për njëri – tjetrin.
Mirëpo pas 9 muajve të ndarë ata kanë vendosur të mos flasin apo interesohen më për njëri- tjetrin. Në intervistën e dhënë së fundi në “Koha për lojë”, Fjori ka treguar se ata as nuk përshendeten më kur rastisin në të njëjtat ambiente.
“Nuk kam rastisur të takohem në rrugë, por edhe kur na kanë bërë bashkë mbrëmjet ku kemi qenë të ftuar, as dorën nuk i kemi dhënë njëri-tjetrit. As nuk e di me ça merret, as nuk më intereson”, u shpreh Fjorentina.
