Shumë shpejt do të nisë formati më i ri i Big Brother, ai i të famshëmve, i cili do të mbajë autorësinë e Ledion Liços.
Këtë herë moderatori vjen si autor dhe jo si prezantues duke ia lënë stafetën Luana Vjollcës, e cila për herë të parë bëhet pjesë e një formati të tillë televiziv.
Gazeta Express raporton se sa u përket banorëve që do të jenë pjesë e “Big Brother VIP”, ata do të vijnë nga fusha të ndryshme si moda, muzika, aktrimi etj.
Kështu do të ketë këngëtarë, modele të njohura dhe aktorë që do të qëndrojnë për muaj të tërë të mbyllur në një shtëpi nën direktivat e Vëllait të Madh.
