Një ngjarje tronditëse ka ndodhur ditën e sotme në fshatin Vlosh, Roskovec ku një vajzë 13- vjeçare u rrëmbye.
Tre të rinj morën vajzën dhe tentuan ta përdhunonin në një ndërtesë afër me shtëpinë e të miturës. Por ka qënë i ati i 13 vjeçares ai që ka dëgjuar të bërtiturat e vajzës dhe ka nxituar menjëherë t’i shkojë në ndihmë.
“Ballkan web” ka arritur të marrë një prononcim të nënës së vajzës e cila ka thënë se i ka parë autorët dhe kërkon varjen e atyre që i njollosën të bijën.
“Ata që më bënë me njollë çupën të varen. Vajza do ikte të shikonte televizor tek xhaxhai. Vajzën e kanë kapur, e kanë marrë zvarrë. I pashë që dolën nga dritarja autorët. Matanë rrugës është kjo shtëpia e pa përfunduar ende dhe shkuam të dy. Vajzën e gjeta të lidhur me litar”- është shprehur e ëma 13-vjeçares.
Ndërkohë Redion Tereziu, 22 vjeç; Jorges Dosti, 24 vjeç; Marjus Çalameni, 24 vjeç, janë vënë në pranga nga policia.
