Pas përfundimit me sukses të finales së Eurovision 2018, Eugent Bushepepa është rikthyer në Tiranë. Në intervistën e tij të parë pas Eurovisionit, Eugenti nuk e fsheh zhgënjimin nga juria e shtetit Italian, që e vlerësoi me zero pikë.
“Çudia më e madhe ishte Italia, pasi ishte edhe një shqiptar që i përfaqësonte ata.” -tregon Eugenti.
Kujtojmë se Italia i dha zero pikë edhe këngëtares Elhaida Dani me këngën “I’m alive”.
I pyetur nga gazetari Blendi Fevziu, se me cilin nga shtetet përfaqësuse u ndje më mirë, ai u përgjigj: “Me Islandën dhe Malin e Zi, ishim shumë të lidhur. Me Islandën sepse janë shumë pozitiv, ndërsa Mali i Zi na thërret gjaku ballkanas.”
Eugent Bushpepa u rendit në vendin e 11 në finalen e Eurovision. Ai u cilësua si vokali më i mirë mashkullor në Eurovision 2018, nga mediat e huaja.
