Ata ishin një ndër çiftet më të dashura të Hollywood-it për pesë vite.
Jennifer Aniston dhe Brad Pitt, ishin të martuar nga viti 2000 deri në vitin 2005, kur noftuan divorcin e tyre.
13 vite më pas, revista “In touch”, shkruan se çifti është sërish në krahët e njëri-tjetrit dhe jo vetëm kaq, po mendojnë të kenë një fëmijë së bashku. “Duket se ëndrrat e Aniston janë bërë realitet, ajo po merr fatin dhe dashurinë ashtu siç i ka dashur gjithmonë” ,-shton burimi.
Shkak për ribashkimin e çiftit është aktori George Clooney, i cili ka këmbëngulur që ata të jenë sërish bashkë. Sipas revistës, ata kërkojnë ta shijojnë lidhjen në fshehtësi, madje vetëm me disa miq të ngushtë, pasi të dy janë divorcuar shumë pak kohë më parë.
Ndërkohë lajmi nuk është pritur shumë mirë nga ish-bashkëshortja e Brad Pitt, aktorja Angelina Jolie. Burimet shprehen se Angelina është shumë e lënduar nga ky vendim i Brad, dhe nuk mund të besojë se kjo po ndodh në kaq pak kohë.
