Mbrëmjen e djeshme u mbajt në Lisbonë nata finale e Eurovision 2018, ku fituese u shpall këngëtarja izraelite Netta, e cila u përfaqësua me këngën “Toy”.
Ndërkohë në vend të dytë u rendit këngëtarja me origjinë shqiptare, Eleni Foureira, e cila përfaqësonte Qipron më këngën “Fuego”. Prej disa javësh kënga “Fuego” kryesonte listat e klasifikimeve si kënga kryesore për të fituar, mirëpo nuk rezultoi kështu.
Fakti që Eleni doli e dyta dhe jo e para, sipas mediave greke lidhet drejtpërdrejt me votën e Shqipërisë, e cila i dha 10 pikë, ndërsa 12 pikët ia dha Italisë.
“Eleni ishte shumë afër burimit, por nuk arriti të pinte ujë sepse ja mori Netta nga Izraeli. Ajo që la shije të hidhur tek përfaqësuesja e Qipros ëshët atdheu i saj Shqipëria që nuk i dhanë 12 pikë. Gjërat mund të ishin ndryshe nëse Eleni do kishte marrë disa pikë më shumë nga disa vende, veçanërisht Shqipëria”, shkruan e përditshmja greke “Protothema”.
