Ajo njihet nga të gjithë si një ndër modelet më provokuese dhe që në çdo intervistë prezanohet si mbesa e ish-Presidentit, Bujar Nishani. Bëhet fjalë për modelen Beniada Nishani, e cila në një intervistë për “Gazetën shqiptare” ka treguar eksperiencën e saj si aktore në një prej filmave më të komentuar në Itali, që drejtohet nga regjisori fitues i çmimit Oscar, Paolo Sorrnetino.
Ky film i dedikohet jetës personale të një prej politikanëve më të përfolur në Itali, Silvio Berlusconi.
“Në film jam një nga femrat që Berlusconi ka dashur, flirtuar dhe frekuentuar, Një nga shumë vajzat që e admironin. Në film kam xhiruar edhe një skenë me një gjarpër të vërtetë. Ishte një eksperiencë me shumë emocion”, ka rrëfyer Beniada.
Gjithashtu modelja shqiptare ka treguar gjatë intervistës se gjatë xhirimeve të filmit ka hasur me vështirësi të ndryshme.
“Në përgjithësi nuk ka pasur probleme, vetëm gjatë xhirimeve duhet të puthja Riccardo Scamarcio dhe gjatë xhirimeve duhej të ecja me taka në terren. Ndërsa më ndodhi që taka ngeci dy herë në terren dhe na është dashur ta xhirojmë skenën disa herë derisa të dilte siç duhej. Mbase kanë menduar se nuk kam dashur ta bëj këtë skenë”, mësohet të ketë thënë Beniada gjatë intervistës.
