Shqipëria në finalen e “Eurovision”-it është një sukses i prekur 7 herë, gjatë historisë së konkurrimit në festivalin evropian të këngës. Performanca e Eugent Bushpepës mbrëmjen e së martës elektrizoi të gjithë publikun e mbledhur në “Altice Arena”, në Lisbonë, të Portugalisë.
Ndërsa finalja e madhe e edicionit të 63-të të “Eurovision”-it do të mbahet më 12 maj, “Iconstyle.al” vendosi që të kthehej pas në kohë, për të kujtuar të gjithë performuesit që përfaqësuan shtetin shqiptar në eventin evropian.
Nga sondazhi i realizuar gjatë ditës së djeshme, “Iconstyle.al” u kërkoi lexuesve që të votonin për performancën më të mirë të Shqipërisë ndër vite, nga pjesëmarrja e parë në vitin 2004.
Dhe cila është përfaqësuesja më e denjë sipas tyre?
Vendin e parë, me votat maksimale (205), e mban Rona Nishliu me këngën e saj “Suus”. Performanca e saj në “Eurovision”-in e mbajtur në Baku në vitin 2012, la pa fjalë të gjithë publikun dhe drithëroi me emocionet që përcolli çdo person që e ndiqte nga ekrani. Nishliu ishte përfaqësuesja e vetme që e pozicionoi Shqipërinë në 5-she.
Pas saj renditet Elhaida Dani me këngën “I’m Alive” me 127 vota. Ajo u pozicionua në vendin e 17-të në “Eurovision”-in e vitit 2015, në Vjenë.
Dhe në vend të tretë përfaqësuesja e parë e Shqipërisë në “Eurovision”, Anjeza Shahini me këngën “The Image of You”. Performanca e saj në spektaklin e vitit 2004, që u mbajt në Turqi, u pëlqye shumë dhe për këtë ajo u rendit në vendin e shtatë.
Renditja vijon si më poshtë:
Burimi: Iconstyle.al
