Ishim mësuar ta shihnim në një emision aktualiteti, por së fundmi ai është moderator në spektaklin e kërcimit “Dancing with the stars”.
Po flasim për Rudi Hizmon i cili bashkë me ish – miss-in Almeda Abazi qëndrojnë në krye të këtij spektakli që përfshin disa prej VIP- ave shqiptarë.
Shumë persona me siguri janë kuriozë të njohin prapaskenat dhe marrëdhënien e Rudit me partneren e tij në spektakël dhe moderatori i ka treguar të gjitha në një intervistë për “Panorama Plus”.
Kur u pyet se si i duket Almeda si prezantuese dhe nëse kishte kimi në prezantimin me të, ai u përgjigj:” Almeda është një vajzë më e mirë dhe tolerante sesa ç’mund të imagjinojë dikush. Ka një mirësi që tejkalon bukurinë e saj. Është e pamundur që të mos krijosh kimi dhe raporte të shëndetshme njerëzore me një tironse aq të omël”.
Gjithashtu ai foli edhe për një eksperiencë kërcimi të mundshme në spektakël ku shhprehu dëshirën që të sfidonte në një ‘ Dance off’ kolegen e tij, Almedën.
