Bilbili i këngës shqipe Nexhmije Pagarusha festoi sot 85-vjetorin e ditëlindjes. Karriera e saj muzikore nisi në vitin 1948, në studion e radio “Prishtinës”. Në repertorin e saj, numërohen mbi 150 këngë, edhe përse fatkeqësisht shumica prej tyre nuk janë të rregjistruara.
Me zërin e saj të veçantë, talenti Nexhmije Pagarusha kapërceu kufijtë shqiptarë. Por pasi i dedikoi 40 vite muzikës, këngëtarja Nexmije Pagarusha vendosi të tërhiqet.
Jeta e saj u trondit pas ndarjes nga jeta të nipit të saj. Bilbili i muzikës refuzonte të prektë mikrofonin e t’i rikthehej skenës, bëjnë të ditur burimet për “Iconstyle.al”. Në vitin 2000, ishte kantautori Ardit Gjebrea, i cili arriti ta bindë këngëtaren të dalë nga shtëpia pas 11-vjetësh.
“Kam hequr shumë, jam munduar shumë për ta bindur për të ardhur në Shqipëri për të kënduar pas një kohe shumë të gjatë, për të ardhur edhe si presidente jurie e Festivalit “Kënga Magjike” dhe më në fund u lumturova kur ajo pranoi dhe është një ndër kujtimet më të bukura të jetës time dueti që kam kënduar me Nexhmijen” – është shprehur kantautori Ardit Gjebrea.
Më poshtë, ju sjellim një nga performancat e saj në vitin 1968.
