Edhe përse një ditë më parë, e kontaktuar nga “Tirana.post” Orinda mohoi lajmin se ishte shtatzënë. Burime për “Iconstyle.al” konfirmuan ditën e sotme se këngëtarja shqiptare Orinda Huta është në pritje të ëmbël.
Lajmi për shtatzëninë e Orindës po mundohet të mbahet ende i fshehtë, deri në momentin që çifti Hysko do të vendosë ta bëjë publike. Ndërkohë, nuk dihet ende ndonjë detaj lidhur me gjininë e foshnjës apo në cilin muaj ndodhet momentalisht Huta.
Për herë të parë, Orinda është parë mbrëmjen e djeshme në një event të organizuar në kryeqytet, pas publikimit lajmit të shtatzënisë. Këtë herë moderatorja e emisionit “Cover” ka hequr dorë nga fustanet e ngushtë pas trupit, për një veshje më të gjërë.
Orinda duket se po i shijon në maksimum ditët e ëmbla, duke u kujdesur për veten në shtëpi. Moderatorja e emisionit “Cover” ka postuar në “Insta Story” një foto teksa shfaqet duke relaksuar në shtëpinë e saj, me një maskë në fytyrë.
