Gina Lollobrigida, aktorja e njohur italiane ka rrëfyer pengun më të madh të jetës. 90 vjeçarja ka deklaruar se është përdhunuar nga një futbollist i famshëm i Lazios kur ishte në moshën 18 vjeçare dhe humbi virgjërinë.
Lollobrigida kishte pasur një marrëdhënie me ish – futbollistin në atë kohë, por që nuk zgjati shumë.
Aktorja tregoi për të përditshmen italiane “Libero” se ngjarja kishte ndodhur kur ajo kishte pranuar ftesën e ish – të dashurit për një festë në shtëpi. Por kur kishte arritur ajo nuk kishte parë asnjeri tjetër veç atij, i cili i kishte thënë që të tjerët do të vinin më vonë.
Gjatë kësaj kohe ai i kishte ofruar pije dhe pas kësaj ajo nuk mban mend çfarë ka ndodhur, veçse kur u zgjua e pa veten lakuriq.
“Turpin e kam mbajtur përbrenda, edhe pse më peshonte shumë. Ndihesha e shkatërruar, por shumë shpejt do të martohesha me burrin tim për të kaluar traumën, jo se isha vërtet e dashuruar me të.Isha e hutuar për shumë ditë me radhë, derisa fillova të kuptoja se atë natë isha dhunuar seksualisht. Ishte një vendim që doja ta injoroja e të mos e besoja. Doja ta harroja më mirë për të ecur para, po me atë humba virgjërinë” – është shprehur Gina.
