E ftuar në emision “Thumb”në fundjavë, Ronela Hajati u shpreh se personat që zgjedhin këngën fituese në Eurovizion duhet të zëvëndësohen pasi janë aty që kur i ati i saj i ka punësuar.
Mirëpo kësaj deklarate, Kozeta Kurti iu kundërpërgjigj duke ironizuar këngëtaren se fillimisht të mësoj të flas në televizion dhe të ketë pak më shumë etikë e pastaj të japë gjykime.
Ditën e sotme, Ronela përmes një statusi në “Instastory” tregon se çdo ditë villet vetëm vrerë për të. Por pas disa minutash, ka hequr dorë nga statusi dhe vendosi ta fshijë.
Në foton më poshtë siguruar nga intv.al, Ronela shkruan kështu:
“Kam luftuar gjithë jetën për këtë muzike që të më doni ju, sepse tek ju prezantohem.. dhe më prek çdo fjalë që degjoj si te mire dhe jo! Kam dhënë shpirtin tim duke punuar ditë e natë që femijë për këtë muzikë me aq sa kam mundësi pa e lavderuar kurre veten time! Kurre!… Shikoj përdite vrer që villet për të gjithë në pergjithesi! Le te marrim një moment dhe të duam një sekondë më shume njeri-tjetrin! Nuk na gjen gje…”.
