Moderatorja Klea Huta dhe kantautori Elgit Doda janë një ndër çiftet më të dashur të showbizz-it shqiptar.
Me postimet e ndryshme në rrjetet sociale dyshja e njohur na ka treguar se kohët e fundit po e kalon pjesën më të madhe të kohës në studio duke u përgatitur për një projekt që po përflitet prej kohësh në media.
Ditën e sotme Elgiti ka ndarë me fansat e tij në Instagram një foto ku shfaqet së bashku me Klean dhe sapo na tregoi se së shpejti do të publikohet kënga e tyre e parë së bashku.
Në këtë foto çifti shfaqet më në formë se kurrë dhe fansat kanë nxituar t’i komplimentojnë për pamjen e tyre.
Kujtojmë që prej kohësh është përfolur se Klea do të sjellë së shpejti 4 këngë të reja të punuara nga Elgiti, njëra prej të cilave është një dedikim për të.
