Dy ish-ët, Belen Rodriguez dhe Fabrizio Corona janë takuar sërish dhe na vërtetuan se ende ndjejnë një dashuri të madhe për njëri-tjetrin.
Takimi ndodhi në një hotel në Milano dhe ndonëse dyshja u munduan ta fshihnin, fotot kur bukuroshja i hidhej në krahë ish-të dashurit, bënë shumë bujë kur u publikuan nga revista “Chi”.
Epo privatësia është një çmim që duhet të paguash kur bëhet fjalë për famë dhe mijëra e mijëra ndjekës në rrjetet sociale.
Aty ishin disa miq dhe djali i Corona’s, Carlos Maria që luante me djalin e Belen, që ajo ka me Stefano De Martino-n. Belen reagoi menjëherë pas lajmeve të bujshme:
“Fabrizion do ta dua gjithmonë, dhe ia dëshiroj gjithmonë të mirën, kjo nuk do të ndryshojë asnjëherë. Të takohemi, të flasim në telefon të hamë mëngjes bashkë është shumë normale për dy njerëz me përvojë të rëndësishme si e jona”, ka thënë Belen për kritikët.
Përsa i përket partnerit të saj Andra Iannone, ajo është shprehur se ka arritur një moshë ku gënjeshtra nuk është në tipin e saj dhe se Andrea di gjithçka. Por Silvia Provvedi, partnerja e Fabrizio Corona-s, nuk e ka pritur mirë takimin. Dyshja tashmë janë në krizë pas këtyre fotove, ka komentuar ajo ekskluzivisht për “Chi”:
“Nuk e dija për takimin e tyre, e zbulova falë fotove në media dhe nëse duhet të tregohem e sinqertë, Belen Rodriguez nuk është dhe nuk do të jetë kurrë një problem, problem im quhet Fabrizio Corona”.
Silvia Provvedi kishte marrë propozim për martesë nga Fabrizio, kur ky i fundit kishte dalë nga burgu, por ajo tashmë ka bërë një hap mbrapa:
“Shpresoj që Fabrizio do të mbledhë mendjen e tij përndryshe do të mbetet mirë mes nesh, por dera do të jetë e hapur për t’u larguar. Për mua. Për të. Problemi im nuk është të humbasësh një dashuri për të cilën kam luftuar. Por unë e di se do të ndodhë. Dua një njeri që të më përkrahë, jam e lodhur nga durimi”, përfundon modelja dhe këngëtarja.
