Ndonëse në shumë vende të botës 1 maji njihet si një ditë proteste për të drejtat e punëtorëve, në Tiranë është zgjedhur që të festohet. Me rastin e kësaj feste Bashkia e Tiranës do të organizojë sot në mbrëmje një koncert me zërat më të mëdhenj të muzikës shqiptare.
Ledri Vula, Arilena Ara, Ylli Limani, Alban K. Ramosaj, Filloreta Raçi, Argjentina Ramosaj dhe DJ Aldo do të jenë disa prej yjeve të muzikës shqiptare që do të ndezin sheshin Skënderbej sot në orën 19:00.
Kryetari i Bashkisë së Tiranës, Erion Veliaj, iu ka bërë thirrje qytetarëve nëpërmjet një postimi në Facebook që të bëhen pjesë e festës dhe të shijojnë muzikën e disa prej artistëve tanë më të mirë.
“Super atmosferë me Ledri Vulën, Arilena Arën, Ylli Limanin, Alban K.Ramosaj, Filloreta Raçi, Argjentina Ramosaj, DJ Aldo. Shihemi në shesh, festa nis në orën 19:00”, shkruan Erion Veliaj.
