Ronela Hajati, këngëtarja e njohur dhe shumë e përfolur së fundmi në media për nxjerrjen e projekteve të reja në treg, sot ka treguar diçka që nuk e dinim për të shkuarën e saj.
Në Instastory, Hajati ka publikuar një video nga shkolla e saj 9- vjeçare, “Fan S. Noli” në Tiranë ku shkruan: “Sa mall kur shikon vendin që ke kaluar kaq shumë kohë”.
Me siguri Ronela ka shumë nostalgji për atë vend, pasi aty ka marrë hapat e parë të dijes dhe për ata që nuke dinë, në ambientet e kësaj shkolle Ronela ka zhvilluar dhe dashurinë e saj për artin.
Burime pranë këngëtares rrëfejnë për “Iconstyle.al” se që kur ishte në shkollë 8-vjeçare, Ronela kishte shprehur talentin dhe pasionin e madh për artin. Ajo ishte nga të paktët fëmijë që merrte pjesë në çdo aktivitet të shkollës, muzikë, kërcim dhe prezantim dhe njihej si një nga vajzat më të talentuara të shkollë.
Madje ajo pëlqente të angazhonte edhe fëmijët e tjerë në të gjitha këto aktivitete sa shkonte t’i kërkonte nëpër klasa të ndryshme dhe të bënte prova me ta.
Në atë kohë të gjithë mendonin se një ditë ajo do të ishte dikush me ndikim në artin tonë dhe në fakt, kështu ndodhi. Pa mbaruar ende shkollën ajo u bë konkurrente në spektaklin “Ethet e së premtes”. Ndonëse anëtarët e jurisë e përzgjodhën përgjatë audicioneve, rrugëtimi i saj në këtë spektakël nuk ishte shumë i gjatë, por s’do të mungonin pjesëmarrjet edhe në talentshow të tjera.
Megjithatë, Ronela nuk u ndal dhe boom-in e vërtetë e pati në festivalin “Kënga Magjike” ku me performancën e paharrueshme të këngës “Kam frikë të të dua” ia doli të bëhej një një nga këngëtaret më të diskutuara të kohës. Sot, falë këmbënguljes dhe punës së palodhur, ajo është sot një ndër artistet më të famshme dhe më të suksesshme të muzikës moderne shqiptare.
