“Pati një fëmijëri të ndërlikuar në Shqipëri, Adriatikun për të kaluar, përvojat e para teksa luante në lokale. Më pas, si solist dhe autor i mbi treqind këngëve, ai më në fund gjeti sukses. Pas fitores së tij në Sanremo, jeta e tij u dyfishua, mes disqeve të shitura dhe koncerteve. Aventura ka pasur me shumicë, por dashuria, tani për tani është zhdukur”.
Kështu e nis shkrimin revista italiane Vanty Fair, për këngëtarin me origjinë shqiptare Ermal Meta, i cili ka zbuluar disa të vërteta që nuk i dinim më parë.
Fituesi i “Sanremo”, ka vendosur që në vitin 2019 të mos dalë në asnjë skenë dhe ta bëjë pushim.
“Gjithçka është dyfishuar në krahasim me vitin e shkuar. Ndërveprimet në rrjetet sociale, disqet e shitura. Mendova se i kisha lodhur njerëzit, pas tre vitesh. Heshtja duhet herë pas here: vitin e ardhshëm nuk ka koncerte, 2019 do të jetë një vit pushimi.
Kam nevojë të çlodhem pak, të udhëtoj. Më pëlqen të shkoj në Indi: të shkruaja një roman të frymëzuar nga ato vende. Dua të marr me qira një dhomë në Islandë, me piano, vetëm për të shkruar. Pastaj dua të shkoj në Amerikë, nga bregu në breg me makinë, me vëllain tim. E ndoshta dhe në Japoni, dhe disku im i ardhshëm do të frymëzohet nga tinguj orientalë”.
Ermal Meta shprehet se ka kaluar një fëmijëri të vështirë dhe nuk mban mend ndonjë gjë të bukur nga Shqipëria:
“Kujtimet e bukura janë të pakta. Kishte një krizë të madhe ekonomike, nuk mendoj se kam pasur lodra. Argëtoheshim me pak gjëra”.
Megjithatë ai thotë se herë pas here i pëlqen të kthehet në Shqipëri dhe të dëgjojë njerëz që flasin gjuhën shqipe.
Sa u përket marrëdhënieve shumë të përfolura me të atin dhe dhunës që ushtronte ai, Ermali shprehet:
“Ai doli nga jeta ime në vitin 1990, nuk e kam parë për 28 vjet. Ai mungonte edhe kur ishte atje. As nuk flisja me të kur ishte në shtëpi. Kam shkruar një këngë, “Vietato morire”. Kush e dëgjon mund të bëjë dy llogari”.
