Revista “People” ka përhapur alarmin se një sherr i madh ka shpërthyer mes Kris Jenner dhe dhëndrit Kanye West në familjen Kardashian.
Burimi për revistën pohon se, komentet e kohëve të fundit të reperit, raporti i tij me disa miq të familjes, përfaqësuesit dhe avokatët, përfshirë menaxherin e muzikës Ace Scooter Braun – kanë çuar në një përçarje në familje.
Kanye West raportohet të ketë “pasur përballje të mëdha me Kris” dhe se kjo e fundit “e sheh sesa i çrregullt është ai dhe është shumë e shqetësuar për markën e vajzës së saj”.
Por së fundi, Kris Jenner ka hedhur poshtë pretendimet se është e përfshirë në një sherr të vazhdueshëm dhe “shpërthyes” me Kanye West.
62-vjeçarja ka shkruar në Twitter: “Gënjeshtra, Gënjeshtra, Gënjeshtra”, duke hedhur poshtë pretendimet e “People”, se ajo ka pasur zënka me dhëndrin për sjelljen e tij gjatë kohëve të fundit.
Por revista këmbëngul se Kanye po sillet si një gjeni që di gjithçka dhe kjo nuk i pëlqen Kris Jenner:
“Ai ka një dashuri të madhe për Kim, por nuk mendon se ajo është një gjeni, dhe i thotë asaj se e ka vetë situatën në kontroll”, tha burimi për “People”. “Kim po përpiqet ta kontrollojë atë dhe situatën, por nuk mundet”.
“Ajo po përpiqet më së miri ta mbështesë bashkëshortin në mediat sociale dhe të tregojë një anë tjetër, por nuk po funksionon”.
