Këngëtarja Arilena Ara është treguar e rezervuar sa i përket jetës së saj private. Por sot ishte një ditë e veçantë dhe nuk mund të na mbante larg asaj që po ndodhte në familjen e saj.
Që në orët e para të së hënës, Arilena ka uruar për ditëlindje motrën e madhe që quhet Ambra dhe që ngjan shumë më të.
“Gjithmonë pranë meje! Gezuar ditëlindjen Ambra Ara! Motra jote e vogël të do!”, shkruan këngëtarja në Instagram.
Në fakt Arilena Ara nuk ka një por ka dy motra bukuroshe. Ajo është shprehur më herët në një intervistë për Rudina Magjistarin se, i dëgjon shpesh mendimet e tyre pas performancave për t’u përmirësuar edhe më tej:
“Ambra më thotë gjithmonë pas performancave çfarë nuk shkoi sepse do që të jem e përsosur, mua më intereson gjithmonë ta dëgjoj mendimin e saj sepse është e sinqertë”, ka thënë Arilena.
