Maskat që realizohen në kushte shtëpie për trajtimin e lëkurës janë ndër më të mirat. Kjo pari ju merrni të gjitha vlerat e nevojshme nga produktet bio, ndërsa e ushqeni atë në mënyrë krejtësisht natyrale. Këto katër maska natyrale mund të ruajnë ose të rikthejnë shkëlqimin e lëkurës suaj.
Maska me banane, mjaltë dhe lëng portokalli
Pas aplikimit të kësaj maske tropikale në fytyrë, lëkura juaj do të shkëlqejë.
- Shtypni një gjysmë banane.
- Bananen e shtypur përzieni me një lugë gjelle lëng portokalli dhe një lugë gjelle mjaltë.
- Përzierjen e fituar aplikojeni në fytyrë dhe lëreni të qëndrojë për 15 minuta.
- Pastrojeni fytyrën me ujë të vakët para se të aplikoni kremin.
Maska e mëngjesit
E përbërë nga drithërat dhe proteinat, kjo maskë me bazë tërshërë përdoret për ta qetësuar lëkurën e yndyrshme.
- Përzieni një të verdhë veze, një lugë gjelle mjaltë, një lugë gjelle vaj ulliri dhe 120 gramë tërshërë.
- Përzierjen e fituar aplikojeni në fytyrë dhe lëreni për 15-20 minuta.
- Pastrojeni fytyrën me ujë të vakët para se ta aplikoni kremin.
Maska me mjaltë dhe papaja
Kjo maskë natyrale mund të përdoret për të gjitha llojet e lëkurave, megjithatë është më e përshtatshme për lëkurat që kanë pigment jo të njëtrajtshëm.
- Përzini dy lugë gjellë mjaltë dhe 120 gramë papaja të qëruar dhe të shtypur.
- Përzierjen e fituar aplikojeni në fytyrë dhe lëreni të qëndrojë për 15-20 minuta.
- Pastrojeni fytyrën me ujë të vakët dhe pastaj aplikoni kremin.
Maska me mjaltë dhe lëng portokalli
Kjo maskë është njëra nga maskat që reagon shumë shpejt, për t’ia rikthyer fytyrës shkëlqimin natyral.
- Përzini tri lugë gjelle lëng portokalli me 120 gramë mjaltë.
- Përzierjen aplikojeni në fytyrë dhe lëreni të qëndrojë për 30 minuta.
- Pastrojeni fillimisht me ujë të vakët, pastaj me ujë të ftohtë dhe aplikoni kremin.
