Finalistët e “The Voice Kids” kanë qenë të ftuar sot në mbrëmje në Top Show, ku kanë ndarë emocionet për natën finale të së premtes.
Ana, Denisi, Klea, Rita, Frensi dhe Sindi, krijuan një atmosferë mjaft të këndshme në studio.
Duke qenë se ata ishin të ftuar pa trajnerët e tyre, Alban Dudushi u kërkoi të imitonin Eneda Tarifën, Miriam Canin, Aleksandër Gjokën dhe Renisin.
Fëmijët nuk ngurruan aspak por dolën menjëherë para kamerave duke shkaktuar të qeshura.
ë
Ndërkohë, nata finale do të ngjisë në skenë Elvana Gjatën dhe lajmin e ka bërë të ditur vetë këngëtarja nëpërmjet një video të shkurtër të publikuar në Instagram.
