Armina Mevlani nuk është përfolur vetëm për lidhjen e saj me partnerin Shkëlzen Berisha, por edhe për marrëdhënien me vjehrrën e vjehrrin, dy personazhe shumë të njohur.
Alketa Vejsiu, moderatorja e emisionit “Në kurthin e Piter Panit” e pyeti Mevlanin, si ndihej në një familje tropojane.
“Shumë e lumtur që jam pjesë familjes, është një familje shumë tradicionale dhe e ngrohtë. Shkoj çdo fundjavë, ka shumë dashuri dhe bëjnë gatime shumë të mira, ndihem shumë me fat”, tha 26-vjeçarja e ftuar mbrëmjen e sotme në emision.
E pyetur se me cilin prej tyre ka një marrëdhënie më të mirë, Lirinë apo Sali Berishën, Armina nuk bëri diferencime, duke u shprehur se me vjehrrën e bashkojnë më shumë bisedat që bëjnë femrat. Nga ana tjetër ish-kryeministri e ndjek në çdo dalje publike dhe ajo dëgjon çdo këshillë të tij.
Por një nga pyetjet më “thumbuese” ishte ajo e aktores Rudina Dembaçi:
“Si ia lan këmbët xhaxhi Berishës?”, Armina u shpreh: “Me flori e meriton t’ia lash”.
Fëmijët e pyetën nëse i drejtohet vjehrrës dhe vjehrrit me mami dhe babi:
“Është një traditë që e respektoj, por gjithmonë i kam thirrur me emra, Lili dhe doktori”.
Blogerja shqiptare zbulon se e ka mësuar vallen e Tropojës shumë rastësisht, para se të njihej me partnerin e saj:
“Ka qenë rastësi, e kam kërcyer kur përfaqësova Shqipërinë te “Miss Bota” dhe më pas e kam kërcyer te një dasmë me familjen e Shkëlzenit”.
