Balerina profesioniste shqiptare, Klaudia Pepa ka tërhequr sërish vëmendjen e fansave me një postim në Instagram.
Ajo ka publikuar një foto të sajën me inicialin A, duke i bërë ndjekësit të dyshojnë se është një dedikim për ish-bashkëshortin Albi Nako.
Fansat mendojnë se ky është një sinjal për Albin ndërkohë që të tjerë mendojnë se e ka për spektaklin “Amici”.
Një komentuese madje i shkruan: “Albin e mori Alba, shkruaj kot tani!”
Në fakt, Klaudia nuk ka bërë gjë tjetër veçse ka lajmëruar projektin e ri që pritet të dalë shumë shpejt.
Bëhet fjalë për numrin e ri të kërcimit, që mban shkronjën e radhës të emrit të saj “A”. Pak muaj më parë Klaudia prezantoi koreografinë e titulluar L, e dyta pas asaj të titulluar K që u lancua 6 muaj më parë.
Me sa duket balerina po vijon të titullojë koreografitë radhazi me shkronjat e emrit të saj dhe është e qartë që ka ende surpriza.
