SHBA, Britania e Madhe dhe Franca kanë nisur një sulm me raketa në Siri në një operacion që ka ndodhur herët në mëngjes, duke synuar kështu vendet e dyshuara të armëve kimike.
Bombardimet janë një përgjigje pas sulmit me armë kimike në qytetin sirian Douma javën e kaluar. Shpërthimet goditën kryeqytetin, Damaskun, si dhe dy vende afër qytetit Homs, bëri me dije Pentagoni.
Aksioni për momentin u fokusua vetëm në një natë, dhe ka qenë një paralajmërim për qeverinë e Assad, edhe pse burimet e mëvonshme të administratës amerikane kanë shpjeguar se “operacioni nuk ka përfunduar”.
“Kombet e Britanisë, Francës dhe Shteteve të Bashkuara të Amerikës kanë marshuar fuqinë e tyre të drejtë, kundër barbarizmit dhe brutalitetit”, tha Presidenti Trump në një fjalim drejtuar kombit nga Shtëpia e Bardhë në orën 21:00 të orës lokale (3:00 me orën tonë).
“Synimi i veprimeve tona sonte është të krijojmë një pengesë të fortë kundër prodhimit, përhapjes dhe përdorimit të armëve kimike”, shtoi ai.
Këto bombardime janë cilësuar si një ndër sulmet më të rëndësishme të fuqive perëndimore kundër qeverisë së presidentit Bashar al-Assad, në shtatë vitet e luftës civile në Siri.
Ndërkohë, e fortë ka qenë përgjigja e Rusisë, përmes ambasadorit rus në SHBA:
“Sulmi është një shuplakë për presidentin tonë Putin, dhe nuk do të mbetet pa pasoja”, ka thënë ai.
Lloji i raketës së përdorur gjatë sulmeve
Por Franca siguron se “Rusia ishte paralajmëruar për përshpejtim të sulmeve”. E më pas vjen dhe komenti i ministrit të Jashtëm sirian: “Një sulm barbar dhe brutal”.
Sulmi u dënua dhe nga ministri i Jashtëm iranian: “Do të ketë pasoja rajonale”. Mes lojtarëve të tjerë të lindjes së mesme, komente në favor kanë bërë Izraeli dhe Turqia. SHBA dhe aleatët kanë pasur mbështetje për sulmin edhe nga Kanadaja dhe Japonia.
Burimi: BBC
