Ditën e djeshme u përfol se moderatori i njohur i “Vizion Plus”, Turjan Hyska do të braktisë ekranin ku ka punuar prej vitesh, për të shkuar në televizionin konkurrent, “Klan”.
Ndërkohë që të gjithë u bëmë kuriozë se me çfarë emisioni do të angazhohej Turi në “Klan Plus”, ai hodhi poshtë gjithçka me një foto të lajmit me mbishkrimin “lajm i rremë”.
Por sot, një takim i dyshimtë e ka tradhtuar Turin, i cili është fotografuar në ambientet e “Klan” duke biseduar me pronarin e këtij televizioni Aleksandër Frangaj.
Sipas burimeve të Gazetës Express flitet që largimi i tij të mos jetë i vetmi si dhe që muaji qershor ta gjejë moderatorin në ekranin e “Klan”.
Gjithashtu mësohet se Turi do të ketë rol të rëndësishëm si në këtë televizion ashtu edhe “Klan Plus”.
Pak kohë më parë, Turjan Hyska lajmëroi se emisioni i tij “Oktapod” do të mbyllej për t’i lënë vendin “Dancing with the Stars”. Nëpërmjet postimit të tij në Instagram, moderatori i njohur shprehej se kjo ishte një eksperiencë e bukur që i kishte shërbyer shumë. Burime për Iconstyle.al bëjnë me dije se ai prej disa kohësh nuk mban më pozicionin e drejtorit ekzekutiv në “Vizion Plus”.
