Gjoks të madh apo të vogël? Nëse bëjmë këtë pyetje nuk lidhet vetëm me anën estetike, por edhe me atë shëndetësore.
Ndërsa vitet e fundit ka dalë në modë që të tregosh gjoksin dhe të heqësh dorë nga reçipetat, disa nga femrat që kishin “luksin” e një gjoksi të madh po vuanin pasojat e tij.
Operacioni për zvogëlimin e gjoksit të Çiljeta Xhilagës në fund të 2016-s ishte lajmi më i përfolur i vitit. Shumë femra ndoshta nuk e kuptojnë, por një gjoks i madh shkakton probleme në shtyllën kurrizore.
Por ajo nuk është e vetmja që ka zgjedhur këtë procedurë për një jetë më “të lumtur”. Disa nga emrat më të njohur të “showbiz”-it shqiptar dhe të huaj vendosën që të shpëtonin njëherë e mirë.
Çiljeta Xhilaga
Këngëtarja, e cila prej vitesh njihej për asetet e saj, vendosi t’i nënshtrohej operacionit dhe të kalonte nga numri 6 në numrin 3, për shkak të problemeve në shtyllën kurrizore.
Genta Ismajli
Këngëtarja nga Kosova vendosi që t’i nënshtrohej ndërhyrjes për zvogëlimin e gjoksit në vitin 2014. Genta vendosi ta zvogëlonte me 2 numra, për shkak të problemve shëndetësore. E ftuar në emisionin “Xing me Ermalin” fundjavën e kaluar, lidhur me arsyen ajo tha:
“Më pengonte. Kisha mall për të parë barkun tim, prandaj e zvogëlova”.
Në tentativë/ Venera Lumani
Jo, këngëtarja nuk e ka zvogëluar gjoksin, por është shprehur se do të dëshironte ta kryente këtë ndërhyrje.
Pyetur nga emisioni “Thumb” në mars të vitit të kaluar, nëse do ta zmadhonte gjoksin ajo ka treguar se edhe pse nuk e shfaq në publik, ajo ka një gjoks të madh dhe madje do të donte ta zvogëlonte.
Në tentativë/ Fjolla Morina
Në nëntor të 2017-s, Fjolla Morina u shpreh për “Prive” se në një të ardhme do ta zvogëlojë gjoksin pasi nuk është më në modë.
“Me thënë të drejtën kohët e fundit nuk po bahet gjoksi i madh. Nëse është kismet pse jo, do ta zvogëloj”, u shpreh këngëtarja.
Alessia Marcuzzi
Moderatorja e njohur italiane, Alessia Marcuzzi, e “Grande Fratello”, i është nënshtruar zvogëlimit të gjoksit jo vetëm një herë, për shkak se madhësia e tij rritej pavarësisht operacionit.
Victoria Beckham
Ndoshta nuk do ta besoni, por ajo nuk preferon vetëm elegancën, por edhe gjoksin e vogël. E tillë është Victoria Beckham, e cila pas ndërhyrjes së vitit 2011, tha se ishte e lumtur pas vendimit që mori.
Ariel Winter
Aktorja e zvogëloi gjoksin numër 6, që kur ishte 17 vjeçe dhe shkaktar për këtë ishin ngacmimet në internet, stresi dhe dhimbja fizike.
“Gjoksi im po rritej dhe po rritej, nuk po ndalonte”, ka thënë ajo.
Jennifer Connelly
Gjoksi i aktores së famshme ka hasur shumë spekulime. Disa besonin se ajo zmadhoi gjoksin kur ishte e re, të tjerë e mendonin si natyrale. Gjithsesi tani që ajo është në të 47-tat, gjoksi i saj duket më i vogël.
Scarlett Johansson
Operacioni nuk u konfirmua asnjëherë, por u përfol se ajo hoqi silikonin e gjoksit vite më parë. Kishte bërë apo jo zmadhim të gjoksit, kjo mbetet mister, por fotot tregojnë ndryshimin e dukshëm.
Drew Barrymore
Ajo iu nënshtrua operacionit në vitin 1992 për të zvogëluar gjoksin e saj numër 4. Ajo ishte vetëm 17 vjeçe dhe e bëri këtë sepse nuk ndihej komode nga vëmendja që i jepnin meshkujt dhe fakti që e bënte të dukej më madhe.
Queen Latifah
Ajo kishte probleme me shtyllën kurrizore për shkak të gjoksit të madh. Gjithsesi ajo u zhgënjye pas operacionit, pasi pranoi se ia kishin zvogëluar shumë dhe i mungonte gjoksi i mëparshëm. Edhe pse kaloi nga masa 6 në 4, sërish e ndjente se gjoksi i saj ishte shumë i vogël.
Sharon Osbourne
Moderatorja e hoqi silikonin në gjoks në vitin 2011, pasi po i shkaktonin probleme me stomakun. Ajo bëri shaka pas ndërhyrjes duke thënë se mendonin që ishin shumë të mëdha.
Pamela Anderson
Aktorja e njohur e zvogëloi silikonin e gjoksit në vitin 1999. Pasi nuk e pëlqeu gjoksin e vogël, e zmadhoi sërish.
