Koleksioni “My Albania” i stilistit shqiptar Ardi Asllani, u mirëprit në botën e modës si një risi që përcjell vende, risi dhe trashëgimi përmes veshjeve.
Qytetet e ndryshme shqiptare influencuan stilistin shqiptar, i cili solli Tiranën e viteve 1930, Ulqinin, Prizrenin, Durrësin dhe Gjirokastrën përmes fustaneve klasike dhe moderne të prezantuara me mjeshtëri nga Adrola Dushi.
Dolce & Gabbana solli të njëjtën gjë gjatë tri netëve Alta Moda që u mbajtën në Nju Jork. Domenico Dolce dhe Stefano Gabbana ia dedikuan koleksionin e fundit, Nju Jorkut dhe e sollën atë me magjinë e puplave, kristaleve dhe dizajneve të ngjashme me stilin e Ardi Asllanit.
“Ne duam gjithçka rreth qytetit, ushqimin, njerëzit që takojmë në rrugë, gradacelat, restorantet, metronë, natën, dritat që kurrë nuk dalin. Mund të vazhdoj kështu përgjithmonë”, tha Gabbana për Vogue. com. “Për ne, Nju Jorku është qyteti ku ëndrrat bëhen realitet”.
Në secilën prej veshjeve Dolce & Gabbana ka sjellë vende dhe ndërtesa apo objekte që e identifikojnë Nju Jorkun, si (Statuja e Lirisë), ashtu siç Asllani ka veçuar monumentet apo objektet dalluese të qyteteve shqiptare për theksuar bukurinë e trojeve shqiptare dhe dashurinë e tij për to.
Burimi: Iconstyle.al
