Tani që vera po afron, lëkura juaj do të jetë në një luftë të vazhdueshme me djersën, ndotjen dhe makijazhin. Nëse keni lëkurë të yndyrshme dhe me akne, mbajtja e poreve të hapura është veçanërisht e vështirë.
Llojet e lëkurave të yndyrshme, janë më të prirura të përjetojnë bllokime në pore, të cilat në shkallë të parë mund të çojnë në krijimin e pikave të zeza në lëkurën tuaj ose akneve.
Ajo që duhet të bëni është të pastroni poret, duke lejuar oksigjenin të rrjedhë lirshëm përmes tyre, kështu që bakteret nuk mund të shkaktojnë probleme. Por ky proces është më i lehtë të thuhet sesa të bëhet.
Për fat të mirë, jeni duke lexuar artikullin e duhur, që do t’ju ndihmojë me një listë mënyrash të lehta dhe efektive për të mbajtur poret tuaja të pastra.
Majdanozi
Majdanozi heq në mënyrë efektive toksinat dhe papastërtitë e tjera që bllokojnë lëkurën. Merrni majdanoz të freskët dhe zhyteni në një tas me ujë të valë. Lëreni të ftohet dhe vendoseni në fytyrën tuaj për 10 deri në 15 minuta. Përsëriteni këtë çdo ditë.
Scrub me sodë buke
Soda e shtëpisë, që përdoret për pjekje shërben si një pastrues i thellë i poreve. Përzieni dy lugë çaji me sode buke me një lugë çaji ujë për të bërë një masë kremoze. Përdorni lëvizjet rrethore për të masazhuar lehtë përzierjen në fytyrën tuaj. Lëreni në lëkurë për rreth 5 minuta dhe pastaj shpëlajeni. Bëjeni këtë një herë në javë për të hequr qelizat e vdekura të lëkurës dhe për të balancuar PH e lëkurës.
Trajtimi me limon
Acidi i limonit ndihmon për të lëmuar lëkurën, duke pastruar çdo papastërti ose yndyrë që “banon” në poret tuaja. Thjesht prisni një limon në gjysmë dhe vendoseni atë mbi zonën e prekur. Lëreni të qëndrojë për 5 minuta, pastaj shpëlajeni me ujë të vakët.
Fashat e poreve
Fashat e poreve veprojnë si një magnet, duke u mbyllur dhe duke hequr thellë papastërtinë që është grumbulluar në poret tuaja, pa dëmtuar lëkurën.
Toniku i fytyrës
Pastrimi i fytyrës me një tonik kremoz manual apo përmes një pajisje të veçantë mekanike, është një nga mënyrat më të thjeshta dhe më themelore për të hapur poret dhe për t’i mbajtur ato të pastra.
Maska prej qymyri
Qymyri tërheq toksina dhe i absorbon ato. Ai funksionon për nxjerrjen e tepërt të yndyrës, ndotësve dhe materialeve tjera të papastra që janë bllokuar brenda poreve.
Pastrimi manual i poreve
Zakonisht ndodh tek një estetiste dhe përfshin një pastrim manual të poreve të bllokuara me një sërë metodash profesionale që jo çdo kush mund t’i bëjë në shtëpi.
Burimi: Byrdie
