Artistët e njohur shqiptarë janë bërë bashkë për t’iu ardhur në ndihmë fëmijëve që vuajnë nga sëmundja e kancerit.
Aurela Gaçe, Sabri Fejzullahu, Ermal Mamaqi, Besart Kallaku, Eranda Libohova, Mirush Kabashi, Bujar Asqeriu si dhe shumë artistë të tjerë të njohur do të dhurojnë një spektakël në “Sheshin Skenderbej” në Tiranë më 11 prill, në orën 19:30.
Nëpërmjet një postimi në Instastory aktori i humorit, Besart Kallaku, ka zbuluar se ky koncert do të quhet: “Një këngë për jetën”.
Paratë e mbledhura nga ky koncert do të shkojnë në ndihmë të fëmijëve që vuajnë nga sëmundja e kancerit.
