Më 5 prill blogerja e njohur shqiptare priti vajzën e saj të tretë, të cilën zgjodhi ta lindte në Shtetet e Bashkuara të Amerikës.
Estela Ujka mirëpriti vajzën e saj Damar Brooklyn katër ditë më parë, ndërsa sot vendosi t’ia prezantonte botës.
Damar, e lindur 3.982 gramë dhe 51 cm, shfaqet në të dyja fotot e veshur me gri.
Fillimisht Estela vendosi që të tregonte dorën e vogëlushes, më pas një foto nga lart, ku duken disa tipare të të sapolindurës, në të cilën Ujka shkruan: “Pse je kaq e bukur?”.
Ajo që tërhoqi vëmendjen, pasi Estela tregoi për ardhjen në jetë të vogëlushes, ishte emri i veçantë, që i ka rrënjët në Shqipëri. Ndërsa sa i përket emrit të dytë Brooklyn, ky është një trend i ndjekur gjerësisht në Amerikë dhe në këtë rast lidhet me vendin ku lindi foshnja.
