Reperi i njohur shqiptar Noizy, u ka premtuar fansave se do ta shohin shumë shpejt në një koncert gjigant dhe për më tepër falas.
Ai ka nisur bisedimet me Bashkinë e Tiranës për të organizuar një koncert të dytë në sheshin “Skënderbej”.
Por ky koncert do të jetë më madhështor se herën e parë dhe reperi premton se do të sjellë diçka të bukur.
Ende nuk dihet data se kur do të mbahet koncerti, megjithatë sipas gjasave do të jetë diçka mjaft speciale.
“Bisedime me lali Erion Veliaj për koncertin e dytë në sheshin e Tiranës. Diçka shumë e bukur për të gjithë ju, dhe shumë më madhështore se herën e parë. Ju premtoj”, shkruan reperi.
Koncerti i parë që mbajti Noizy në Tiranë ishte qershorin e vitit të kaluar dhe u quajt “historik”, pasi pati mbi 100 mijë të pranishëm.
Ai u mbajt nën qiellin e hapur në Tiranë në sheshin “Skënderbej”, u përkrah nga Bashkia e Tiranës dhe sipas zyrtarëve të kësaj bashkie, ishte më i madhi i mbajtur ndonjëherë në historinë e Shqipërisë.
