Slogani i saj është “të gjithë meritojnë ushqim cilësor” dhe ndoshta kjo është ajo që Dukesha e Kembrixhit kishte në mendje, pasi u patë hënën duke bërë pazar në një dyqan në Waitrose, vetëm disa javë para se sjellë në jetë fëmijën e saj të tretë.
Princesha 36-vjeçare u fotografua duke blerë ushqime në supermarketin e saj të preferuar, të cilat më pas i vendosi me duart e saj në bagazhin e makinës.
Kate nuk është shfaqur shpesh së fundmi në publik, ndërsa thuhet se është në javët e fundit të shtatzënisë.
Një kliente e supermarketit e fotografoi Kate me celular, ndërsa tha se ajo kishte blerë ushqime që ishin me 25% ulje, si majdanozi.
Gruaja, që ishte dëshmitare e kësaj situate tha se, kur përshëndeti dukeshën, ajo ia ktheu përshëndetjen.
“Isha në Waitrose duke bërë pazar. Shkova në fund të rreshtit dhe e pashë. I thashë bashkëshortit se ajo ngjante me Kate Middleton. Ai tha që nuk ishte ajo, por unë këmbëngula”, tha dëshmitarja.
Kjo e fundit tha se Kate shoqërohej nga një oficer sigurie, i cili qëndronte pranë saj.
