Vetëm pak ditë më parë Luana u vu në vëmendjen e të gjithëve, teksa Mira Kazhani e ftuar në emisionin “Top Show Magazine” tha se Luanën nuk e ndjekin se është e suksesshme, por për shkak të hireve të saj.
Një deklaratë kjo që u kalua me sportivitet nga ana e Luanës. Ndërsa ditën e djeshme Luana postoi në “Instagram” një foto ku u shprehte dashurinë fansave të saj. Pikërisht në këtë foto komentoi edhe ish-moderatorja e “Pasdite në Top Channel”, Kozeta Turishta e cila i thotë se njerëzit e duan dhe kanë interes për të edhe pse nuk e pranojnë.
Kozeta prej vitesh jeton në SHBA dhe me sa duket është një fanse e Luanës.
“Edhe ne të duam ty, dhe pse nuk e pranojmë me zë e figurë, por në heshtje të adhurojmë pafund për forcën dhe vendosmërinë për t’u bërë një super star nga mundi e puna jote e palodhshme se përndryshe nuk t’i fal kush “1 milionë” dashamirës besnik”, komenton Kozeta në foton e moderatores simpatike.
Luana e befasuar nga ky koment, ia ka kthyer me një mesazh shumë të qartë që femrat duhet të mbështesin femrat.
”Kozeta ti je një shpirt i bukur që meriton SHUMË. Me le pa fjalë. E di që një ditë jo fort larg do të të shoh në majë, aty ku meriton të jesh prej kohësh. TË DUA. Faleminderit që je një femër që mbështet femrat. Frymëzim”, ishte komenti i sinqertë i Luanës.
