Drejtoresha e Përgjithshme e “Victoria’s Secret” dha dorëheqjen e menjëhershme pas rreth një dekade në krye të markës më të njohur të të brendshmeve.
Sharen Jester Turney, e cila ishte CEO e “Victoria’s Secret” që nga viti 2006, por që ka punuar për kompaninë nga viti 2000, u shpreh se dorëheqja e saj e papritur ishte sepse ajo dëshironte të kalonte më shumë kohë me familjen e saj.
“Pas rreth 16 vitesh te “Victoria’s Secret”, vendosa t’i japë përparësi familjes sime dhe jetës personale dhe të vendos për të ardhmen e profesionit”, tha 58-vjeçarja, e cila mësohet se fiton më shumë se 10 milionë dollarë në vit.
“Vitet e mia me “Victoria’s Secret” ishin më emocionueset dhe të dobishme në karrierën time. E lë biznesin e “Victoria’s Secret” në një pozicion shumë të mirë, si një markë me rritje të vrullshme. Marr shumë kënaqësi dhe krenari nga ajo që ka arritur grupi jonë”, thotë Sharen.
Ajo është martuar me Charles për më shumë se 25 vite, ndërsa çifti ka një djalë 21 vjeç, Matthew.
Burimi: Daily Mail
