Kanë kaluar tashmë më shumë se 5 vjet nga ndarja e bujshme e Shpat Kasapit dhe Afërdita Dreshajt. Ata kanë qenë një ndër çiftet më të pëlqyer të showbiz-it shqiptar, por për çudinë e të gjithë i dhanë fund lidhjes me njëri-tjetrin dhe asokohe u përfol se shkak i ndarjes ishte tradhtia.
Ndërkohë Afërdita ka krijuar një jetë të re me hokeistin Jakub Kindl dhe po bën përgatitjet e fundit të dasmës së saj, që do të zhvillohet së shpejti. Mirëpo Shpatit duket se nuk i ka dalë inati dhe ka gjetur rastin ta ironizojë.
Ermal Mamaqi ka publikuar në faqen e tij në “Instagram” një foto të Xhesika Berberit dhe iu ka kërkuar miqve virtualë, siç bënë me të gjithë të ftuarit, që të shkruajnë pyetjen e tyre, e cila më pas do të lexohet në emision.
Mes qindra pyetjeve për Xhesikën, spikat edhe pyetja ironike e Shpat Kasapit.
“Ermal, bëja këtë pyetje Xhesikës! Jam Shpat Kasapi! A ishe lidhur edhe ti me një djalë jo shqiptar siç është lidhur shoqja jote e ngushtë, Afërdita Dreshaj dhe a mendon se kështu do e ruajmë origjinën shqiptare?”, ka komentuar Shpati në foton e Xhesika Berberit.
Kjo është hera e parë që Shpat Kasapi shpreh mendimin e tij lidhur me bashkëshortin e ardhshëm të ish-të dashurës së tij dhe të gjithë e kuptojmë se më shumë se sa një pyetje për Xhesikën është një kunj për Afërditën dhe zgjedhjen e saj.
